қауіпсіз кету шебі

(Рубеж безопасного удаления)

басшылық белгілеген ядролық жарылыс орталығынан (эпицентрден) өз бөлімшелері мен бөлімдерін ұрыс техникасымен бірге қауіпсіздік жағдайында алып кетуін анықтайтын шартты сызық. Бөлімшелер қарсылас қорғанысының тірек пунктіне (объектілеріне) ядролық соққы бермей тұрып, қауіпсіз кету шебінен өтіп кетпеуі керек. Қ.к.ш. дегеніміз — жеке құрамды соққылы толқын, жарықтық сәулелену және өткір радиациядан қорғауды қамтамасыз ететін ең аз қашықтық және бұл қашықтық ядролық жарылыс орталығының жоспарланғаннан біраз ауытқуын білдіруі де мүмкін. Қ.к.ш-нің бөлімшелері өз командирлерінен түскен сигналдар бойынша қорғанудың белгіленген шараларын қабылдайды. Қарсыластарға ядролық соққы бергеннен кейін және соққылы толқын өткен соң танк және мотоатқыштар бөлімшелері қауіпсіз кету шебінен жол-жөнекей шабуыл жасау үшін қанат жая отырып шабуыл шебіне өтеді.